تعريف الكتب الصوتية
الكتب الصوتية أو (المسموعة ) هو تسجيل لنص الكتاب من قارئ محترف بيتم سماعها .
مميزات الكتب الصوتية
مميزاتها الكتب الصوتية أو المسموعة كثيرة و قدرت تسهل شكل انتشارها و تداولها على القارئ و من أهم مميزاتها
١_ حسنت من مهارات المستمع لغوياً و طريقة النطق الصحيح فعندما تستمع لكتاب هتلاحظ النطق الصحيح للكلام و نبرة الصوت و معرفة اماكن الوقف و التشديد
٢_ أنك تطور مهارة السمع و تترك نفسك و تركز فى حاجة واحدة مثل التأمل
٣_ أنك تقدر تسمع الكتاب وانت مشغول فى عمل آخر مثال عندما تقود سيارة مش هقدر تمسك كتاب لكن تقدر تسمعه وأيضا عند لعب رياضة و هكذا
٤_سهولة حملها فى الموبايل و تقدر تسمعها فى اى وقت و مكان
٥_ هتزود معرفتك بأقل وقت و جهد
٦_ الكتب السمعية هتوفر معاك المال إلى حد ما
٧_ أنك مش هتندم على سماع كتاب معين لأن ممكن لو معجبش اول الكتاب من أسلوب الكاتب أو الموضوع نفسه هتقدر تستغنى عنه بسهولة و طبعا ده مختلف عن الكتاب المقروء
عيوب الكتب الصوتية
١_ إن الكتاب الصوتى هيطلب منك تركيز كبير لأن عنيك هتكون حرة سهل تنشغل بأى حاجة وانت بتسمع ولكن العيب ده هياخد وقت و هتقدر تسيطر عليه مع استمرار عادة السمع و تركيزك هيتحسن بالطبع.
٢_ مش هتقدر تاخد اقتباس معين او تعمل علامة على فكرة عجبتك بس برده مع الوقت هتقدر تسيطر من خلال تكتب اللى عجبك بورقة وقلم أو على الموبايل من خلال تسجيل ملاحظة.
أهم تطبيقات الكتب الصوتيه والمسموعة
هناك الكثير من تطبيقات الكتب الصوتية تساعدك على زيادة معدل قراءتك و الإستماع إلى أحدث الكتب
١_ تطبيق Storytel
يوفر ليك هذا التطبيق الآلاف من الكتب باللغة العربية و الإنجليزية و يمثل فعليآ مكتبة ضخمة من الكتب و القصص
و تقدر توفر ليك ركن فى التطبيق خاص بيك و ما يناسب زوقك و تستطيع أن تكتشف أشهر الكتب فى الوقت الحالى
و الأنتقال بسهولة من ركن لآخر حتى تستطيع أن تعثر على ما يناسب زوقك
تقدر تتصفح عن الكتاب و تقرا المراجعات و ردود الفعل
و بالإضافة أن طفلك هيقدر يستمع لقصص تخصه و بمنتهى الأمان
متاح التطبيق فى أكثر من ٢٥ دولة
ويلا أنضم لأكثر من ١٠ ملايين مستمع ماهر و حمله من هنا
٢ _ تطبيق Freed Audiobooks
من أفضل التطبيقات حيث يقدم لك أكثر من ١٤٠٠٠ كتابا صوتيا
يمكن سماع الكتاب من غير الاتصال بالانترنت فى اى وقت و مكان
توفر ليك مجموعة قيمة منها خيال علمى ، قصائد ، أطفال و أمومة ، رومانسية ، كلاسيكية.
مميزاته
١_تنزيل الكتاب و سماعه فى وقت عدم الأتصال
٢_سهولة البحث عن الكتاب باسم الكاتب و عنوانه
٣_دعم Chromecast
٤_ الحصول على إشعارات مع Adiobooks الأسبوع
٥_ التحكم فى سرعة معدل الكتاب
و لتحميل الكتاب من هنا
٣_ تطبيق Google Play Books
أكبر المنصات المسموعة و هو مخصص لتحميل الكتب الإلكترونية و الصوتية
و التطبيق مثبت بشكل مثبق فى كافة الأجهزة التى تعمل بنظام الاندرويد و سهل تحميله على هواتف الأيفون و الأيباد
٤_ تطبيق الأخضر
من أفضل التطبيقات للكتب المسموعة و المقروءة أيضاً و سهل التعامل معاه
يتميز أنه بيقدملك ملخصات الكتب من خلال ١٠ دقائق
و تقدر توصل للأفكار الرئيسية لأفضل الكتب و أكثرها مبيعا
هيجعل حياتك سهلة و هيوفرك الوقت و المال
بيوفرك تطبيق الأخضر مجالات عدة لزيادة المعرفة
منها كتب تاريخ ، سياسة ، أقتصاد ، علوم إجتماعية ، علم نفس ، كتب الصحة و اللياقة ، كتب التنمية البشرية و تطوير الذات
تحميله من هنا
٥_ تطبيق اقرأ لى
ابدأ فى هذا العالم و استمع لكتبك و رواياتك المفضلة فى أى وقت و مكان
ولأن كثير حكايات مسمعتهاش فأنضم لأكثر من ٢ مليون مستمع
و حمل التطبيق هنا مجانا وابدأ أستمع لرواياتك .
٦_ تطبيق اسمع كتابك
تطبيق مجانى للكتب و الروايات الصوتية فى مجالات كثيرة
قائم على متطوعين من بلاد عربية مختلفة
تضم الصفحة الرئيسية الكتب المحملة ، الكتب المفضلة ، الكتب المسموعة ، قائمة الإستماع لاحقاً
و صفحة خاصة لكل كتاب تشمل البيانات الخاصة به
وتضم أيضاً صفحة خاصة لأجزاء الكتاب
هو تطبيق شيق و ممتع و سهل الاستخدام ادعوك لتحميله من هنا
٧_ تطبيق الراوى
هو منصة بتضم مجموعة كتب وروايات مسموعة لمحبى القراءة
التطبيق يشمل مجالات كثيرة منهم الشعر ، السيرة الذاتية ، علم النفس ، إدارة أعمال ، تنمية ذاتية
هيساعدك التطبيق فى البدأ فى رحلتك للمعرفة فى أقل وقت و فى أى مكان و بمنتهى السهولة والمتعة
تحميله من الرابط ده
٨_ تطبيق Audiobooks
من اهم التطبيقات للكتب الصوتية تحتوى مكتبته على أكثر من ٣٠٠٠٠٠ كتاب صوتى و تقدر تحصل على الكتب بسهولة مع أكثر من ١٠٠٠٠عنوان كتاب صوتى مجانى
و أيضاً هتقدر توصل الملخصات الكتب الصوتية و النقد الأدبى و المناقشات و المحادثات الصوتية .
هيتيح لك التطبيق إضافة إشارات مرجعية و إنشاء الملاحظات مع إمكانية استخدام ميزة التوصيات الزكية لاختيار الكتب حسب سجل قراءتك .
تقدر تنضم لأكثر من ٥ مليون شخص و تحميله من هذا الرابط هنا
٩_ تطبيق Unlimited Books & Audio Books
التطبيق يتميز أنه بيجمع بين الكتب المسموعة و الكتب المقروءة و تحتوى مكتبته على آلاف من الكتب و هتقدر من خلاله تنزل الكتب المجانية و تسمعها فى وضع عدم الإتصال .
هو تطبيق سهل الأستخدام تقدر تغير الهوامش و الخط و الالوان
رابط تحميله من هنا
١٠ _ تطبيق Librivox Audio Books
يضم التطبيق لأكثر من ٤٠٠٠٠ كتاب صوتى مجانى بشكل كامل .
كما يحتوى على تسجيلات صوتية للكتب الصوتية و أكثرها مبيعا و روايات الأدب العالمى وتضم أفضل الكتب الكلاسيكية و الكنوز المطبوعة .
هتقدر تستمتع بكتابك المفضل فى أى وقت مناسب ليك .
تحميل التطبيق من هنا
ملحوظة
هدف معرفتك بالكتاب يرجع للقارئ نفسه
فلو هدفك من القراءة التسلية و استغلال وقتك وانت بتقوم بمهام أخرى فهيكون الأنسب ليك الكتب المسموعة
أما قراءتك انك تتعلم و تحلل و تقتبس و تعمل علامات مميزة لمقاطع معينة وانك تستخدم حواسك و تركيزك الكامل و إنك من محبى القراءة بعمق فطبعا الكتب المقروءة أنسب ليك كقارئ محترف
فى النهاية
الكتب الصوتية ليست بديلا للكتب المقروءة و لكن هى مصدر أخر للمعرفة و وسيلة لاستغلال وقت غالباً بيضيع منك و مش هتقدر تستغله فى القراءة العادية
وانك من خلال الكتب الصوتية هتبعد عن الملل و تتعلم مهارات يومية مفيدة و أهمها مهارة السمع وهترثى عقلك و هتزود معرفتك بأقل وقت و جهد