و لترتقى فى المقامات دمر السئ اللى فى العادات ،ووجدت السبب الرئيسى لعدم تحقيق الإنسان طموحاته و عدم الإنجاز ، هو شئ واحد فقط "عادات الإنسان السيئة " لأحمد الشقنقيرى .
عايز تنجح لازم تغير عاداتك عشان توصل و لو ركزنا مع النماذج الناجحة فعلا هتلاقى إن ليهم عادات ثابتة و إيجابية .
و لو كان فى سر بيميز الشخص الناجح عن غيره فتكمن فى العادات فقط .
معنى العادة
سلوك روتينى يومى يتكرر باستمرار و يحدث بعد ذلك دون وعى و بتلقائية دون مجهود .
بوضوح أكتر عندما تقوم بنشاط معين لأول مرة هتركز بشدة لكن لو عملته نفس النشاط فى وقت أو يوم أخر هيكون مش بنفس التركيز أكيد لحد مايكون عادة تلقائية تفعلها دون تركيز .
من العادات السلبية ..
١_ مصاحبة السلبيين و المحبطين للأسف هتصبح حياتك غير هادفة من خلال مفيش طموح و مشاركة أفكار فعالة هتأثر فى حياتكم جميعا بالسلب .
٢_ مقارنة نفسك بالأخرين ولازم تتذكر ديما أن المشغول بالمقارنة محروم من السكينة و إن المقارنة عادة سيئة لكنها شائعة بين معظم الناس بس يجب التخلص منها لانها وقتها مهما وصلت لتحقيق أحلامك هتلاقى نفسك غير راضى ولازم تتوقف عن هذه العادة ربنا خلقنا لتكون أنت فقط و ليس لتصبح شخص أخر.
٤_ التحدث عن نفسك بسلبية هتأذى نفسك من خلال أنك مش هنشوف فرص قدامك للتغيير و هيأثر عليك بالإكتئاب و إنك لما تخبر نفسك إنك لا تستطيع هتصدق ده ، و فكرة إنك تركز على أفكارك السلبية و جلد الذات هتجعلك شخص غير قادر على التغيير و ديما تشعر بالعجز عن تحقيق أحلامك .
٥_ إنك تكبر عيوبك وتضخمها و نتيجة ذلك إن مش هتكون سعيد فى حياتك و محبط دائماً.
٦_ تسعد الآخرين قبل إسعاد نفسك .
٧_ إضاعة وقتك في مواقع التواصل الإجتماعى و إن الوقت ده ممكن نقوم بعمل مهام أخرى قادرة على تغيير يومنا للأفضل حاول تقلل عدد الساعات هتفرق معاك و إنك هتلاقى ناتج اليوم مميز بالنسبالك .
٨_ تنعزل بمفردك عن الأخرين لازم يكون فى مشاركة و تتعامل مع المجتمع من خلال أنشطة و ممارسات هيحصل من خلالها تقوية علاقات و تعاون بينكوا ووقتها مش هتحس إنك لوحدك .
كيفية التخلص من العادات السلبية ؟
هتقدر تتخلص من عاداتك السلبية عن طريق إتخاذ قرار و تثق إنك هتقدر تغيرها و تستبدلها بعادات إيجابية .
١_ حدد العادة السلبية اللى حابب تغيرها .
٢_ ابدأ بالعادة السلبية البسيطة ثم الصعبة .
٣_ لما تعرف النتائج المترتبة على العادات السلبية على حياتك وقتها هتبدأ بالتغيير و سهل إنك تغيرهم .
٤_ هئ أجواء مناسبة لاكتساب عادة جديدة ناجحة اتضح أن المجتمع و الأفراد بشكل خاص بيأثروا بشكل كبير عن عادات الشخص سواء بالنجاح أو السلب .
٥_غير طريق تفكيرك
٦_ عاقب نفسك أيوة بالفعل و ده من خلال إنك تاخد عهد إنك فى حالة عدم الإلتزام هيكون فى عقاب شديد و عن الإلتزام بالعادة الإيجابية هتكافئ نفسك .
هيستغرق منك تغيير عادة سلبية وقتا طويلا هيتطلب منك صبر و جهد لنجاحك ، و لو سألت النماذج الناجحة فى المجتمع المحيط بك مثلا هتلاقى كتير مروا بفشل بس وصلوا فى الآخر و نجحوا ...
هتجد صعوبة فى الاول لحد ماتعتاد على العادات الإيجابية فى يومك ثم مع الوقت هتلاقى يومك أختلف ولكن للأحسن و أن عاداتك الجديدة طبيعية مثل عاداتك القديمة .
عادات إيجابية من شأنها تغيير حياتك للأفضل ..
١_ الحصول على من ٧_٨ ساعات فى اليوم .
٢_ الإستيقاظ مبكراً هيكسبك وقت أكتر لتنفيذ مهامك
٣_ التخطيط إنك تكتب مهامك اول اليوم و ترتب وقتك بحيث تستغله بشكل جيد .
٤_ ذكر ديما نفسك بأهدافك و الخطوات لتحقيقها.
٥_ تناول الطعام الصحى و المفيد .
٦_ ممارسة الرياضة بشكل يومى هيأثر فى نفسيتك و نشاطك اليومي.
٧_ طور من نفسك و إنك تاخد دورات و كورسات فى تطوير الذات .
٨_ اقترب من الشخصيات الملهمة و الإيجابية و خالطهم أكيد متبتعدش عن أصدقائك القدامى و لكن اعرف ناس جديدة يمارسون نفس العادات اللى بتتمناها .
٩_ تمسك بالأشخاص الأذكياء و حاول تتعلم منهم و تشاركهم أنشطتك .
١٠_ خصص بعد الوقت للإسترخاء و التأمل .
لازم تعرف إن العادات السلبية هتكون عائق أمام طموحاتك و أحلامك و أنك من خلال ممكن تفقدك طاقتك و و تجعلك شخص قليل الإنتاج و هتفقدك علاقاتك بالآخرين و المشاركة الفعالة فى مجتمعك .
بما إن السبب الرئيسى للنجاح هو تغيير العادات اليومية و أن استبدال عاداتك السلبية بعادات إيجابية ضرورى جدا و أنه مهم لتغيير حياتك للأفضل مهما كان الوقت المستغرق اعرف أنك هتقدر تنجح و تطور من نفسك و مهاراتك ..
ولازم تعرف أيضاً إنك كل ما تقوم به من عادات إيجابية فى يومك هيعود عليك لذلك أحسن ماتفعله .
ماتفعله الآن من عادات و تطوير فى ذاتك و اكتساب مهارات هو ما يحدد مستقبلك .
و تحملك لمسئولية أفعالك و أخطائك يدل فى النهاية عن نضجك و ثقتك بنفسك و هيكون الناتج تغيير جذري فى حياتك .
عندما تغير نفسك و من روتين يومك فإن حياتك هتتغير تلقائياً للأفضل.
فى النهاية
الأشياء لا تحدث من تلقاء نفسها و الأهداف لا تتحقق دون سعى وراءها فلا يوجد شئ مقابل لا شئ و بدون إتخاذك أى تغييرفى عادات اليومية و اكتساب مهارات و تطوير لذاتك فمتتوقعش أن تتحسن حياتك ...